Tro Bro-C'hall war varc'h-houarn 2012

←Tro Bro-C'hall war varc'h-houarn 2012 →
Hentad Tro Bro-C'hall 2012
Titour ar redadeg
Petvet hini	XCIX
Broioù	Belgia  Frañs  Suis
deiziadoù	30 a viz Mezheven - 22 a viz Gouere 2012
Tennadoù	20 tennad + 1 prolog
Tizh keitat	39,724 km/h
Kilometradoù	3.496,9 km
Roll al loreidi
Gounider	Bradley Wiggins Bro-Saoz
Eil	Christopher Froome Bro-Saoz
Trede	Vincenzo Nibali  Italia
Renkadurioù all
Menez	Thomas Voeckler  Frañs
Poentoù	Peter Sagan  Slovakia
Yaouank	Tejay van Garderen Stadoù-Unanet
Stourm	Kris Sørensen Danmark
Skipailh	RadioShack-Nissan  Luksembourg

Tro Bro-C'hall war varc'h-houarn 2012, an 99^vet hini, a zo loc'het eus Liège d'an 30 a viz Mezheven 2012 hag a zo echuet e Pariz d'an 22 a viz Gouhere. An eil gwech e oa d'an Dro kregiñ e Liège, hag ar bedervet e Belgia. Evit ar wech kentañ eo aet ar maout gant ur Saoz, Bradley Wiggins, a oa lakaet da vezañ an hini gwellañ adal ar penn kentañ. N'eo ket bet gwall entanus an Dro-mañ pa'z eo bet mestroniet ar redadeg adalek ar penn kentañ gant e skipailh, da lavaret eo ar skipailh Sky, hag aet eo an daou blas kentañ ganto. Gant e genskipailher Chris Froome, “ar C'henyan gwenn”, eo aet an eil plas. Da welet e seblante hemañ bezañ kreñvoc'h eget Wiggins er menezioù. Gounider ar bloaz kent, Cadel Evans, goude bezañ klasket un tamm bennak plantañ e-barzh en deus kollet kalz a amzer er sizhunvezh diwezhañ.

Diwar 198 reder ez eus erruet 153 e Pariz. Lakaet eo bet Fränck Schleck er-maez eus ar redadeg goude ur c'hontrol enepdoperezh. Pa weler an tizh taper e lec'hioù 'zo, er menezioù da skouer, e c'haller soñjal n'eo ket aet da get ar boaz da wellaat dre guzh kurioù rederien 'zo^[1].

1. ↑ Kelaouenn Le Monde 2012.07.23